Washington DC Ah Rakhine Le Tlangcung Mi Nih Embassy Hmai Ah Sandah Piahnak An Tuah!
July  15,2019 ah  US ramchung Washington DC ah  aum mi  Rakhine miphung le  tlangcung mi nih,   Myanmar Embassy le  Singapore Embassy hmai ah  lamzawhnak  an  tuah.
Hi an  tuahmi a ruang cu,  Singapore ramchung ah  khua sa  Rakhine minung -6 Singapore cozah nih AA  ralhrang he  pehtleihnak an nei tiah an puh hna,  an  tleih hna ii Kawlram cozah sin ah  an kuat hna.
Hi  an  tleihmi hna  minung -6 ca ahhin an nunnak an him a herh tiah “Sandah piahnak ” an  tuah.  Singapore ramchung ah  bawmhnak an halmi hi,  Rakhine ram ah  Kawl Ralkap le  AA  ikahdohnak ruang ah  mipi harnak a tonmi ralzam ( refugees)  pawl bawmhnak caah  an  tuah mi asi.
AA  ralkap caah   bawmhhalnak an  tuahmi asi lo, Rakhine ramchung Ralzam pawl bawmhnak ding ah an  tuahmi asi.  Singapore cozah nih  minung -6 an tleih mi hna le Myanmar cozah sin ah an kuat mi hna cu   a dik lo,  an nunnak ca zong ah  tihnung tuk asi caah, an tleihmi hna minung -6 hi himnak in  luatnak pe hna uh tiah  AAC ah  Chairman Ko  Ngin Win Aung nih  VOA  sin ah  fianhnak  in  an  tuahmi lamzawhnak a ruang  cu  a fianh hna.
Singapore cozah nih  an tleihmi hna minung -6 hi  AA  bawmhnak le pehtleihnak a tuahmi an si lo natein,  tleih le  an  ram ah  kuat an  tonmi hi nuhring covo zong buarnak an  tuah. Cu  ruang ah a rengnak in  minung -6 : Tin Hlaing Oo,  Aye Myat Mon,   Ye Kyaw Htet, Aung Myat Kyaw,   Hein Zaw, Tun Aye    hi a rengnak  luatnak pe hna uh  tiah Embassy hmai ah  lamzawhnak an  tuah hnawh chanmi cu  an si hna.
Ref:VOA

Leave a Reply