Myanmar Rammi -32 Cu Thailand Ramri Ah Palik Nih An Tleih Hna!

Myanmar Rammi -32 Cu Thailand Ramri Ah Palik Nih An Tleih Hna!

Thailand -Prachuap Khiri Khan state ah Thailand palik nih Myanmar rammi lawngte minung 32 cu April 26,2019 ah, phungning loin, Thailand ramchung ah an rak luh caah an tleih hna.

An tleih ning hna cu, Prachuap Khiri Khan cu Rili kam khua asi caah Nga phorhnak motor (Lorry )chung ah , Thailand rammi driver Pa nih a rak phorh hna ii, Palik nih lorry an check ahcun minung lawng te Nga phorhnak motor chung ahcun an rak um hna.

An tleihmi 32 hna chung hin, pa -20 le nu 12 an si hna. Palik nih holh lettu he biahalnak an neih khawh hna. An bialeh mi ahcun, puaisa (agent) sin ah kawlram tangka ting -5 cio kan pek. Thailand nan phat in rian tuan khawhnak kan ni tuah piak hna lai tiah bia a kan kamh tiah an leh cio hna.

Thailand palik nih ramdangmi thonginn ( detention) ah an chiah hna ii, Thailand cozah phung lam tein, an caan aphak tik ah Myanmar ram ah kuat an si te hna lai tiah theih khawhmi cu an si hna.

Ref:Thailandtoday

Leave a Reply