Myanmar Ramchung Covid -19 A Nei Mi Hna.

Myanmar Ramchung Covid -19 A Nei Mi Hna.

America ram in Myanmar ah March 23, 2020 ah Yangon ApipiSaiya Vanlawng tumnak ah a rak phan mi cu Tidem pa cu American Green sinak a neimi kum36 tlangval le a dang pakhat England ram in Myanmar ram ah a rak tlungmi kum26 pa cu Airport ah COVID-19 zawtnak an check hna ii, Ngandamnak Sizungpi nih COVID19 zawtnak an nei tiah biafehnak tuah an si.


Yangon ah an check hna hnu ah England ram in March 22,2020 ah a rak phanmi cu a thawchuahnak chuap he pehtlai in tih nung mi a um lo tiah doctor te nih biafehnaka an tuah hnu ah, WAI BA GI sizung ah isolation room ah thlawp bul asi .


American in chinpa a rak phan mi zong a thawchuahnak hrawm le chuap pawl tha tein zohfelnak an tuah hnu ah, tih a nung lo tiah an ti caah TIDEM sizung ah chiah le zohfelnak in thlawmh cuahmah asi tiah Rangon Sizungpi nih zohfelnak an tuah hnu ah thil a cang ning asi tiin, BBC nih cun a chim.

Myanmar ramchung ah COVID-19 zawtnak a um le um lo cu a ho hmanh nih theih khawh asi lo. A ruang cu COVID-19 zawtnak checknak cu Myanmar cozah nih a nei lo. Ramtha tuk asi mi Singapore le Malaysia te hna hmanh nih an nei rih lo.

COVID-19 in a zaw mi pawl le a thi mi pawl an si ning cu: an zawt tik ah an tak a lin, an khuh, an tha a dih, a thaw chuah a phih hna. Cu boruak an ton ning cun an ti khawh ning in doctor te nih thlawp an si hna ii,a van chia mi cu an thi cuahmah hna. A van thami cu an ni thlawpnak in a dam mi zong an um leng ve hna.


COVID-19 zawtnak hi a damnak caah si zong chuah asi rih lo. Ramkip doctor cio nih Sii ai kip in an mah thiam ning in an thlawp cio hna. Cu asi ruang ah kan vawlei hi COVID-19 in tamtuk an zaw cang hna ii, thong-15 leng an thi cang hna.

A hlei in hi kong ah chim duhmi cu Myanmar ramchung ah COVID-19 zawtnak hi a um lo ti ding asi lo, a um tiah tih tuk ding zong a si fawn lo. Minung sinak ah a herh bikmi cu iralringnak asi. Cu ahcun Pathian sin ah kan nunnak hi a thar in ipe hna uhsih law damnak le hngangamnak hi kan miphun le kan vawlei pi chung ahhin a thar in a um khawhnak dingah Pathian sin ahhin fakpi in thlacamnak nei cio hna uhsih .

Ref:BBC

Comments are closed.