Malaysia Ah Tleihkhihnak An Tuah Tamtuk An Tleih Hna, Rak Iralring Cio Uh!

Malaysia Ah Tleihkhihnak An Tuah Tamtuk An Tleih Hna, Rak Iralring Cio Uh!

April 25,26 ah Malaysia KL chung ah tleihkhihnak an tuah, work permit a neilo mi pawl tampi an rian ruanak ah an tleih hna. Lawakah bawizik Datuk Khairul Dzaimee Daud hrim nih tleihkhihnak a telpi hna, Myanmar le bengali tampi an tleih hna.


Tleihkhihnak an tuahmi ah thilri pawl an zuarnak market le eiding tisak angnah pawl an zuarnak ah tleih khihnak an va tuah hna. UN card a tleihmi pawl zong , rian tuannak cu cozah nih mah hlan tein nawl a pe lo tiah Lawakah bawizik zong nih a chim than. Kan rian tuannak le umkalnak ah iral ring thiam taktak a herh.

Zaan hnih chung tleihkhihnak an tuahmi ah KL ahhin minung 157 an tleih hna. Mibu pi in rian tuannak, Kunteih le innsaknak ah tleihkhihnak cu pehtlai in tuah an ni timh caah Malaysia ummi kawlram mi nih rak iralring cio uh.

Malaysia boruak ah UN that lei an panh cuahmah tiin ruah lio ah, cozah nih tleihkhihnak bia tak tein a tuah chih ve caah, na unau, na hawikawm, na khua mi kha ralringnak ah share le theihternak rak pe cio hna uh. Laimi nih kan tonmi boruak ah Pathian bochan in ralring taktak a herh.

Ref:MKL

Leave a Reply