Malaysia Ah Covid-19 Ruang Ah Kawlram Minung-31 An ni tel

Malaysia Ah Covid-19 Ruang Ah Kawlram Minung-31 An ni tel

Malaysia ah Covid-19 zawtnak a neimi an karh chin leng mang. April 9-2020 tiang ah mining 416  an si cang hna.  HI chung ahhin ramdang mi Indonesia -51 cases,  India-37cases, Pakistan-29, Philippines-27cases, China-25 cases, Myanmar-31 cases, Bangladesh-12 cases an si cang hna tiah Dr. Hisham  nih a chim.

Malaysia Prime Minister Tan Sri Muhyiddin  Yassin nih biafehnak thawng a thanh mi cu ,MCO  hi zerhhnih April 15-April28,2020 tiang a si lai tiah an chap.Hi chung ah sianginn zong khar asi lai, a tu lio boruak in rian tualo le sainginn tiang khar asi mi ah, kan him hna lai ti tik ah rian tuan le sianginn cu an kai te hna lai.Malaysia ah MCO an rak thawk cu March 18-31 tiang kha a rak si, cu ahcun April-14,2020 tiang an rak chap. Avoi thumnak ah April 15-28 tiang si than seh tiah chap than ning cu asi. 

WHO( World Health Organization) zong nih MCO ivennak kong ah  an fianghmi cu ramkip ah zawtnak hi zatuak7% hin zawtnak hi a karh kho lo caah daithlanglo tein MCO hi ramkip nih pehzulh a herh tiah an fiangh.  April 9,2020  tiang ah Malaysia ramchung ah Covid-19 in a thimi 67 an si ve cang hna. Ram dang he tahchung ahcun, a tlawmbik pawl cu asi natein, ramchung ah rian tuah khawh a ngah lo caah misifak tampi tuancawp eicawp pawl nih harnak an ton chin lengmang ve.  Ahlei in ralzam refugees nih harnak an ton chin hna ii cu ahcun kan ram chinmi tampi zong Malaysia ah harnak kan ton chin lengmang ve.   

ref;thestar  

Comments are closed.