Hakha Sizungpi Ah Covid-19 An Nei Tiah Tlawp Cuahmah An  Boruak. 

Hakha Sizungpi Ah Covid-19 An Nei Tiah Tlawp Cuahmah An  Boruak. 

Covid 19 zawtnak an nei tiah zumhmi hna cu :  Hakha Dawrthar  sang ah a ummi an si. Tlangval pakhat hi  Mandalay KyouhSih ah Engineering a cawn lio asi. A dang pakhat zong Yangon ah  Sianghleiruun a kai cuahmah mi asi. An min hi  mipi sin ah theihter awk atha rih lo.

Hakha an phat ahhin an tak lin,  an khuh,  a cumpi veve caah  Covid-19 zawtnak hrim an si ko lung hrinh in  thlawp cuahmah an si. Tu chung ah an boruak hlet than tik ah,  dam lei cu an penh hna natein  ralringnak ah pehtlai tein thlawp an si rih hna lai.

Tedim khua zong ah  USA in  a rak tlungmi kum -60 nutung asi ii a zawt ning hi a tu lio covid-19 an zawt ning bak asi caah  Sizung ah  an  thlawp cuahmah ve.

Cun,  Hakha khuachung  Home Quarantine ah chiahmi hi  minung 26 an si cang hna.  Fiang deuh in chim cun,   Hmun dang in  Hakha ah  a rak lutmi cu  cozah nih Inn dang te ah a chiah hna. Zerh2 chung ah  an dam ko ahcun,  an umnak Inn cio ah kal khawh le um khawh an si hna lai.

Khual tlawn zong ah  home quarantine hi  hmun kip ah  tuah asi cang.  A herh tuklo mi khual tlawn le  leng chuah cu  hrial bak hna uhsih.

Chin ramkulh ah mah  zawtnak hin fawi tein minung tam tuk thih khawh kan si caah: Inn chung te um peng kha izuam cio kan herh. Innpa le  hawikawm zong a hlan bantuk le  lai phung in  leng le chawnh kha  hrial hrim hrim hna uhsih.

Ram tha hmanh ah  laimi bantuk in an ni chawn an ni leng kai lo nana in, Covid 19 in  tam tuk an ni chawnh an ti cuahmah cang  hna.

Chinmi cu minung zong kan tlawm tuk,  kan si a fak,  sii ai le vitamins cawk awk hmanh kan neih lo caah a hlei in  covid -19 in iralring le  Pathian sin ah  lungdai tein thla cam peng hi kan rian ngan bik asi . Kan dihlak tein kan ni ral ring a herh,  cu ahcun kan chin miphung zong nih himnak kan hmuh khawh ve  lai.

Comments are closed.