Dawnzuk (watermelon) Dum Ah Khual -3 Tek Nih A Tlak Thah Hna.

Dawnzuk (watermelon) Dum Ah Khual -3 Tek Nih A Tlak Thah Hna.

Kayin state – Kokarate myone ah Dawnzuk ( watermelon) dum chung ah khualtlawn minung -3 nih dawnzuk cawk ah an ra, dum chung an um lio ah , ruahlo piin Tek nih a tlak hna ruang ah, minung -3 cu a hmun lila ah an nunnak a liam hna. Hi thil a rak cang cu March 26,2019 zaanlei suimulam 6 hrawng ah arak si. Hi dum neitu cu U Wai Lin asi. Tek a tlak ahhin ruahti zong a fah lo caah zei rel loin dum ah an ni chawk tiah theih asi.

Thihnak a tonmi hna hi, Yangon – Payapuin khuate ah khua asa mi U Aung Win kum -46 le Myit Phey kum -47 hi an si. A dang pakhat hi Yangon -Hleku myone Junkalay khuate ah khua sa asi.

Thihnak a tonmi pawl hi, Dawnzuk cawk ah a rak ra mi an si hna.Dum chung ah dawnzuk cawk ding in ruah semsem a sur lio, dawnzuk an ni thim lio ah tek nih a tlak thah hna tiah mit hmu tu nih an chim fianh mi asi. Thihnak a tonmi pawl an ruak cu Kokarate Sizungpi ah an kal pi hna, an ruak zong zohfelnak an tuah hna hnu ah, an umnak khua cio ah an kuat hna tiah theih asi. Hi kong he pehtlai in Ruah asur lio ah ruahti umlonak Inn chung ah um hrim ding kha philh lo ah atha.

Comments are closed.