COVID-19 Zawtnak Ruang Ah Ramleng Ummi Laimi Nih Neihchiatnak Kan Ton Cuahmah Ning Cu Lung A Fak Ko

COVID-19 Zawtnak Ruang Ah Ramleng Ummi Laimi Nih Neihchiatnak Kan Ton Cuahmah Ning Cu Lung A Fak Ko

COVID-19 zawtnak ruang ah,Rangon khuachung Serhzung ah rian a tuanmi minung-10,000 ( thong-10) cu rian in chuah an si hna. Rangon Sehzung-500 chung hin Sehzung-20 ( factories) cu an khar thai cang hna. A ruang cu mah factories pawl hi China ram in  ipehtleihnak he ai bawm  mi an si caah a si.

Sehzung-20 an kharmi chung hin, Sehzung-2 cu Su Xing (Myanmar) Garment Co. Ltd le Myanmar Royal Apollo timi Sehzung an si ii, minung-786 rian tuanmi an si hna, am  thla hlawh zong thlakhat leng an hmu ti lo, an boss zong aho si an theih lo caah mah sehzungpi -2  zong hi an khar tiah Thant Sin Lwin, secretary of Myanmar Investment Commission (MIC) nih a chim. COVID -19 ruang ah Cozah rian asi lo mi poah cu, Kawlram chung zong ah Sehzung tampi cu khar thluah mah an si te hna lai tiah zumh a um ngai.

Vawleicung ram ram kip ah COVID-19 zawtnak ;January 2020-March 2020 kar ahhin ram 141 ah a karh manh cang. Minung-242,000 nih zawtnak an nei cang hna ii, minung 9,800 an thi cang hna. Hi zawtnak hin minung tampi thih khawh tluahmah an si rih hna.

USA ram chung ah COVID a karh ning an thih ning:California health department  ah rian tlai- Newsom  chimmi ahcun  california state chung lawng ah 25,5 mllion kan um hna ii, zerh-8 chung ahhin 100% chung ah  56% nih covid-19 zawtnak hi neih khawh kan si hna tiah a chim. USA State 23 ahhin zawtnak hi a karh mangh cang, a tambik nak cu California, New York le Washington ahhin an si hna. US ramchung ah hi zawtnak hin  minung13176 nih an neih hna ii, minung 176  a thi manh cang hna. USA ramchung ah laimi nih kan ni ralring taktak a herh. President Donald Trump nihcun Malaria zawtnak ithlawpnak sii (drugs) pawl hin Conoravirus zawtnak zong hi ithlawp khawh dawh asi ii, COVID-19 damnak si le zawtnak a khamtu vaccine zong tuah khawh kan ni zuam ko lai tiah a chim ii,USA rammi  caah Billion 500 dih in chungkhar cio sin ah bawmh an si lai tiah March 20,2020 ah khan a rak chim mi zong kha asi.

Italy ram ah coronavirus in minung 24,747 zawtnak an neih manh cang hna ii, minung1809 cu march 21,2020 tiang ah an thi cang hna. Spain ram ram minung 17,147 nih zawtnak an nei hna ii, minung 100 an thi cang hna. Iran ram ah 20,000 leng nih zawtnak an nei hna ii minung 1433 an thi cang hna. China ah 40,141 nih zawtnak hrit a nei mi an theih khawhmi asi ii, minung 908 lawng  March 21,2020 tiang ah an thi cang hna. China ram lawng ah minung 5-million minung cu rian tlai in rian neilo ah an cang manh hna tiah Larry Hu , Chief China economist nih a chim.

Australia ram chung dihlak ah minung376 zawtnak a neimi lawng an si rih ii, minung -5 lawng nih thihnak an ton. Australia ram le USA ram chung ahhin laimi tambik kan umnak asi caah a hlei in USA laimi pawl cu fak piin kan ni ralring peng a herh.

Japan ah minung 1484  nih Covid zawtnak an nei hna ii minung 33 an thi hna. COVID-19 zawtnak in tam an thih biknak ram cu South Korea ram hi asi. March5,2020 tiang ahkhan minung 95.300 nih zawtnak an nei hna ii, minung 3,300 an thi hna, March 21,2020 tiah South Korea ah a thimi a zat hi fiang tein an ram nih theihternak an tuah mi a um rih lo.

Laimi kan tam tuknak India ram ah minung 151 nih COVID zawtnak an ei cang hna ii minung 8 an thi cang. Malaysia laimi tam biknak zong ah minung 1030 nih zawtnak an nei cang hna ii, minung 3 an thi cang hna. Malaysia ah  March18-31March 2020 tiang aho hmah rian tuah khawh asi lo caah laimi tampi cu thinpang harsa  tak in khua an sa cuahmah ve hna. Ram dang hmun dang ah COVID-19 an zawt ning kong cu chim ti lo in,  mah vial hin Ram chung Ram leng um laimi vialte nih COVID-19 zawtnak in kan him khawhnak ding cu Pathian lawng asi caah kan um nak cio ah teimak tein thla cam cio hna uhsih. Mah bantuk zawtnak te hna tiah zei rel lo le daithlang in rak um hlah uh, ralringnak he Pathian sin ah thlaza cam in bawmh hal hna uhsih.

 

Sia herhnak in Salai Ceupi

Leave a Reply