Myanmar Cozah Nih Inn A Rawkmi Pawl Cu A Sak Piak Hna Lai.

Mon State – Pawn myone, Tephu Kung khuate ah Lei cimh ruang ah Inn a rawkmi pawl , Mon Pyine Wankyi Chot Doctor- Aye Zan nih mipi sin ah cozah nih kan sak piak hna lai biafehnak bia a chim.

Leimin ruang ah inn a rawkmi vialte cu cozah nih sak piak an si lai caah, Inn hmun an duhnak le an um duhnak ah sak piak an si hna lai, zei tluk tiang Inn sak piak an si lai cu a boruak zoh chih a si te lai tiah a chim rih.

Malak Tlang timi a cimhnak ahhin Inn -27 a rawk cikcek, minung 169 chung ahhin, minung 64 an nunnak an liam, minung -29 cu sizungpi ah thlawp cuahmah an si hna. Lei nih a cimh hnawh mi hna ahhin minung -8 cu an nun buin lak an si hna.

Mincim ( leicim) nih Inn 27 a hrawhmi ahhin motor ke -12 pakha le motor citmi 9, tolagi -2, Cycle ke -3 pawl pahnih le Sui pawl zong lak chih an si hna. Hi thilri an hmuh mi vial te zong Khuabawi sin ah chiah an si hna i a neitu pek khawh dingmi zong pek an si te hna lai.

Mon State chung ah August 9-10 ah ruahti a surning hi ၁၆ဒသမဝ၂ လက္မ fak tuk in na sur. Minung 12522 cu ruahti nih an inn a hrawh piak thai hna. Cun lei cimhnak lawng ahhin a rawkmi pawl hi tingthong 14000men hrawng an si hna tiah U Myit Tan Win nih a chim fianh hna.

Ref:AHO