Myanmar Ramchung Ah Mino /Ngakchia Caah Nupa Sualnak ( sex education) Cawn Piaknak An Tuah Khawh Ve Cang!

Myanmar ramchung mino-ngakchia nih nupa sualnak ( sex education) hi pumpak himvennak le pumpak ikil kawmnak ah abiapi tuk mi asi caah biaknak le nunphung lei in fimcawnnak ah subject pakhat in cawn ding asi tiah Sizungpi Wangi le bawizik pawl nih August 3,2019 ahkhan Yangon -Oriental House ah an chimh phuan hna.

Myanmar ramchung fimcawnnak ahhin Sex education hi subject pakhat ah Fimcawnnak Wangi pawl nih an telh ding hi a biapi tuk mi pakhat a si. Ram thancho hna ahcun, sex lei in mino /ngakchia nih nupa sualnak an himnak ding ah, a lamkip in pumpak himnak, ngandamnak le iven khawhnak ah cawn an si hna.

Sex education nih a timh bikmi cu, nupa sualnak hi mino nih thit umnak hlan ah tuah lo le kum tlinglo nih tuah lo kha asi. Hi itimhmi ahhin a lam kip in sex kong he ipeh tlai in a phung phung in cawnpiak an herh ning cu rian tlai hruaitu hna nih an fianh an cawn piak hna.

Sex Education nih aphi chuak ai timhmi cu nupa sualnak hrial, zawtnak hrial le nunzia dawhlo a chuahpi mi pawl hrial khawhnak lam kha an si hna. Hi cawnnak kong ah Mino -ngakchia nih an cawn le an fiang ahcun, a nunnak ah sex tuahnak ah an him lai, mipi damnak le ram himnak a chuah pi lai tiah an fianh chih fawn hna.


Sex Education kong ah Myanmar ramchung fim cawnnak ah neih khawh ahcun nuva le chungkhar karlak ah damnak a chuahpi khawhnak lam zong an theih lai i, mino /ngakchia zong nih Sex tuahnak kha practical in an hrial khawh lai. Cu caah hi kong ah fim cawnnak subject pakhat ah telh khawh hrim a herh tiah Ngandamnak lei Wanki le bawizik hruaitu nih an chimh mi hna le an cawn piak mi hna cu an si.

Crd:Zawminnaing