Zaan An In Lio Ah An Inn Cu Thingkung Nih A Tluk Hnawh Hna Caah Minung -3 An Nunnak An Liam.

Kayin state – Hpakan myone, Tawkyikong khuate ah, thli chia hrang ruang ah, August 2,2019 zaan ah thingkung nih zaan an ih lio ah an inn cu a tluk hnawh caah chungkhar pathum an nunnak an liam hna.

Hi thingkung a ngan hi pe-5 in a nganmi le a sau pe -40 nih an inn cu a phurh hnawh hna i, zaan an ih lio ah hringtu nucem le a fale -2 an nunnak an liam ning cu a si.

A thimi hna cu Daw Malee Ta kum -48, , Mg Phi Che kum -13, mah Hlah Hlah kum -16 hi an si. Thingkung nih a porh hnawh hna ahhin, an inn chung lila ah an nunnak an liam hna. An thih ning zoh ahcun lung atha hrim lo.

Mah Boo Tanaw kum -17 nu te cu sizungpi ah an kal pi ii thlawp cuahmah a si. Pa cem U Jena Thangpi cu fak tuk in hliam hma a tuar lo. Hithil acang mi ah mibawmtu phu le meithat zungpi ah rian tlai nih an ruak cu an lak hna tiah theih khawhmi cu an si hna.

Crime News