Japan Nih A Zumh Bikmi South Korea Ram Cu Cawlehnak Ah A Phihmi Kong Ah An Buai Ngai!

South Korea ram cu mah mahhlan ah Japan nih a ram chung thilchuak mi company vial te, thilri phung tling in a bawmh hna. Asi natein ruahlo piin Japan nih chawlehnak ah a phih hna.

Cu ruang ah, South Korea ram mipi nih an thing hungnak an langh ter ve cang. Japan ram chuak thilri vial te cu,lungfah lung in South Korea rammi nih an hrawh dih ve hna. Dawr neitu nih Japan thilri chuak cu an hrawh dih, an neih ciami Japan thil chuak zong an hrawh dih hna.

Mipi nih Japan thilri siammi zong cawk le hmang an duh hna lo . An neih ciami Japan sermi motor pawl hmanh, Korea ram mi nih an hmang duh lo, an hrawh leng hna. Korea nih Japan cung ah an lungfahnak in hithil cu kan tuah ve hrim ding asi tiah an fianh ve.

Hi kong ah Japan nih South Korea hi an kan nihsawh,zei an kan rel lo. A liamcia ah a cangmi tuanbia zong in Japan nih South Korea hi namnehnak , hremnak , nuhring covo buar in tleihhremnak le nihsawhnak a phung phung in an kan tuah tu an si tiah South Korea nih athar in an fianh an lanh ter than.

Japan nih rian hrang tuan ter le thla hlawh rak peklo mi -Lee Jung Shang kum 95 nih a chimmi cu : II World War lio in Japan nih Korea hi rian hrang a phung phung an kan tuan ter ning cu a fak tuk, thil le lung a rit phung kan rak cawi, kan kut zong hi an rak maan dih tiah a chim. Cu ahcun thla hlawh zong an rak kan pe lo. Kan nu pawl an tleih hrem hna tiah a chim.

Asinatein hi bantuk buainak kong ah 1965 thawk in Japan cozah nih South Korea sin ah nawlnak le a dikmi pehtleihnak ah lungtling biafiahnak min thut an rak thawk. Asi natein a tu ni tiang ah Japan nih South Korea hi namnehnak le nihsawhnak in an um peng.

Japan cozah nih South Korea cu II World War lio ah : sehzung, lam le thir company a phung phung ah rian an rak tuan ter, an thla hlawh zong an rak pek lomi hna cu, Japan cozah nih liamh than ding in a rak nawl hna natein, Korea mi II World War lio ah rian a rak tuanmi chung in a nun mi zong hi tlawm te lawng an si cang hna.

Cu asi ruang ah South Korea zong nih kan ram chung ah Japan thil chuak asimi poah hi market le dawrkip ah hlawnh dih le hmang duhlo ding in mipi nih an langh ter ve ning cu asi tiah theih an si hna.

Japan nih South Korea cu chawlehnak in a rak phih cu kan hnu thla khan a rak si ii, thlakhat chung ah South Korea ramchung ah Japan thil chuak vialte kan hrawh khawh dih deng tiah chim fianh an si.

Ref:korealocalnews