Korea-Seoul Ah Metre -4 Athuhnak Pipeline An Remh Lio Ah Thihnak A Tommi Sin Ah Myanmar Mi Ai Tel Ve.

Korea rammi minung -2 le Myanmar rammi-1 cu July 30,2019 , zing suimilam 7:40 am ah South Korea ram khualipi Seoul ah vawleitang Pipeline (tikalnak) a rawkmi an siam. Metre 40 a thuhnak khor chung an luh lio ah, pipeline hrenhnak nih a ponh tak hna caah ah ti a chilh colh hna caah an nunnak an liam.

Rian tlai -3 hna cu an rak chuah ti lo caah zing 8:30 am ah 119 phone number sin ahcun theihternak thawng an thanh colh hna i mibawmtu phu nih an rak chanh colh hna.

Korea ramchung mibawmtu phu nih10:30 hrawng ahhin Pipeline chung ahcun minung -3cu an va chanh hna ah, Kum -50 Mr. Komu cu an chuah khawh ii sizungpi ah an phat pi ah a nunnak a liam.

Korea rammi Mr. Anmo le Myanmar rammi Ko Zwe Lyn Muang hi an ruak zong pipeline chung hmuh khawh an si rih lo. Pipeline chung ahhin tilawmg te asi caah an hmuh khawh rih hna lo ning cu asi.

Ko Zwe Lyn Muang hi Maggwe – Yesaju myone ( ေရစႀကိဳၿမိဳ႕နယ္) ah khua a sa mi asi tiah Korea Ram chung um Myanmar embassy zungpi lei in fianh chih asi ii,
Yangon ၈မိုင္အလုပ္သမားရုံး zong nih Ko Zwe Lyn Muang a pa zong Korea ah a fapa ruak hmu kho ding in timh tuahnak an zuam piak lio asi tiin, a tu tiang ahcun theih khawhmi an si hna.

Crd:Zawmoe