Mandalay Ah Cozah-Sipin Nih Inn -9 Bak An Hrawh Piak Hna.

Mandalay -Chian Myiah Tase myone, Cunglun UhSheon sang, lam number 498 ah a ummi Inn 3 cu cozah -sipin zungpi nih July 27,2019 ah Seh bak in an hlawh piak dih hna.

Inn -3 cu a ningpi in Seh nih a hrawh piak hna, Inn6 hi innhmai ah an cih chapmi pawl an hrawh piak hna. Hi inn hrawhmi pawl cu March 22,2019 ahkhan cozah -sipin nih nan Inn hi thet dih uh tiah ca an rak pek hna. July 27,2019 ah Sipin nih an inn cu Theng bak he an van hrawh piak dih hna.

Inn neitu pawl cu mithli he , mipi hmai ah an tah ning zoh cun lung atha lo ngai. Inn neitu pawl nih an chimnak ah a liamcia kum 90 pupa chan in lincese in neihmi ro an si , kan Inn kan theh ahcun umnak kan nei hna lo tiah an tap leng hna.

Hi thil kong ah Cozah nih an inn an hrawh piakmi hna hi, bawmhnak le inn hmun dang hna rak pek bak lo in, hramhram in an hrawh piak hna tiah theih asi. Palik pawl nih Inn an theh piak hlei hna ah, minung -3 cu an tleih rih hna tiah theih asi.

Cozah sipin lei nihcun, Sipin Upadi pohmah -90 ning tein, lam kam tuk ah inn an sak ruang ah, an inn hi kan hrawh piak ve hna tiah an biatung asi. Inn neitu pawl hi an harsak sifah ruang zong ah, Sipin nih an rak fialmi hna tuah dingmi ah, tuah khawhlo dawh an si hna tiah theih asi.
Crd:Indepthnews