Myanmar Sat 2 timi Juduh (ၿဂိဳဟ္တု ) Ramhim Vennak Cu Kum -15 Caah Van Ah An Thlah Khawh Ve Cang Lai.

Myanmar Sat 2 (Intelsat 39) timi satellite(ၿဂိဳဟ္တု) cu South America continent ( ေတာင္အေမရိကတိုက္) chung ah a ummi Guyana ramchung -Kourou timi rilikam um, Arianespace timi ( Juduh) thlahnak company pakhat ah August 3,2019 ah an tlah ve cang lai tiah Global New Light of Myanmar ah Engineer Lutlai U Win Aung nih July 25,2919 ah biafehnak a chim.

Judah thlahnak zungpi (ၿဂိဳဟ္တုဆက္သြယ္ေရးဌာန ) nih an fianhmi ahcun, Myanmar cozah nih (Juduh ) thlah kan timhmi hi, Myanmar cozah nih Dollar tampi dih in, America ram nih a neihmi Intelsat company he peh tleihnak tuah in satellite (juduh) hi an thlah ding mi cu asi .

Intelsat company an Headquarters cu Tysons Corner, Virgina, US ah a um mi asi i, August 20,1964 lio pi ah an rak derh cangmi company an si caah, Myanmar cozah nih ram him vennak caah Satellite a thlah dingmi ahhin atha khun tiah fianh chih asi fawn.

July 24,2019 ( Myanmar ram in July 25, zing suimilam 2:00) ahhin thlah an rak timhmi asi natein,July 10,2019 ahkhan zohfelnak tha tein an tuah than ruang ah August 3,2019 lawng ah van ah Juduh ( Satellite) hi an thlah ding cu asi.

Myanmar Sat 2 timi Satellite (Juduh) an thlah dingmi hi kum -15 chung tiang tlamtling tein hmang khawh ding mi asi.
Myanmar cozah nih kan ram himvennak ah Juduh (satellite) a thlah khawhmi ah thil tha tuk asi caah lawmh a um ngai.

Myanmar Sat 2 an thlah dingmi ahhin
US$155.7 million bak Intelsat company sin ah an liam ve. Hi timh tuahnak ahhin, aliamcia 2018 lio ah 30% cu Myanmar cozah nih Intelsat Company hi a pek cang hna. 2019 chung ah 50% a pek lai, 2020 chung ah a tangmi 20% cu a pek lai. US$155.7 million dih in kum -15 chung Myanmar cozah nih mah Myanmar Sat2 hi a hmang lai.

Myanmar Sat1 zong May 27 ,2016 ahkhan Intelsat company nih Myanmar cozah caah Satellite ( juduh) hi a voikhatnak a rak thlah piak hna. Asi natein Inelsat nih Myanmar Sat1 an rak thlah piak mi hna cu tuni tiang Myanmar cozah nih a hmang natein US $ tampi pek in hlanhmi lawng a rak si.

August 3,2019 ah Myanmar Sat2 an thlah dingmi cu cawkmi asi caah kum -15 chung hmang khawh dingmi asi.Hi thil an tuah dingmi itimhnak cu, Naypidaw ah Vice President U Myint Swe nih October 22,2017 lio ah a rak chim chung mi kha asi i, July 25,2019 ah tlamtling tein an tuah khawh cang mi le thlah ding mi bia an fianhmi cu an si.

Myanmar Sat 2 timi Satellite ( Juduh) an thlah dingmi hi, US -Intelsat company nih pung -39 nak an sermi le a hmanung bik a tha tukmi asi caah (Intelsat 39) tiah min pek chihmi zong asi. Intelsat company bawmhnak in Myanmar cozah nih 2016 thawk in ram himnak vennak ah a hmang khawh ve cang ti kha fianh chih duhmi zong an si hna.

Ref:Intelsat