Chin Ramkulh Falam Surbung Airport Tuahmi Kong Le Airport Adang Serding Mi Ah, Lairam Rawh Relnak !

Chin Ramkulh Falam – Surbung tlang ah tuah mi Airport cu 2017 tuah an rak thawk ii kum 5 chung ah ilim ding in project timhtuahnak asi. Hi airport sernak sernak ahhin billion 25 dih ding in itimh asi . ART-72 timi vanlawng a nganmi bound 50,000 tluk in a ritmi pawl zong a tum kho ding in ser cuamah a si.

Surbung airport angan hi a tung vang – pe 6000×100 asi i, vanlawng idinhnak cu 250 x250 asi i, airport chung Inn hi pe 200×80 tluk in a ngan mi asi lai. Kalaymyoh in minutes 35 lawng a rau lai.

July 10,2019 ah Minister Sui Thio nih ahlan khen tein itimh cia bang, Surbung airport ai lim in, Chin State chung ah cozah le NGO ibawmhnak in airport -5 in tuah chap asi lai tiah a fianh : Hakha, Lailenpi, Thantlang, Tedim le Paletwa ahhin airport tuah than ding an si lai.

Chin ramkulh chung ah minung million 5 lawng kan um tik ah, mah zak airport tuah an timh mi ahhin, cozah nih an ruahnak an ni pelh tuk tiah hmuh khawh asi. Chin miphung vialte caah rawhralnak hrampi le tih nung tak tak asi.

Tah chungnak in kan fiangnak ahcun : Mizoram State ahhin Minung million 10 an um hna, cu ahcun Aizawl khuapi ah Million -4 an um hna . Aizawl khua ah ” Leng Puii Airport” timi pakhat lawng hi mizoram nih an neih mi asi. Cu hmanh ahcun Vanlawng in khual tlawnmi an tlawm caah An ” miat ” mi a um lo, mizoram state in India ramchung state dang ah vanlawng in khual tlawn cu , vanlawng lei rian tlai caah amiat (hlawknak) a um lo ti asi caah, Aizawl ah vanlawng hi a caan tak te lawng ah a phan. Vanlawng neitu caah a miak a um lo.

Chin State chung ahhin Airport pakhat lawng tuah ahhin, Hakha-Thantlang-Tidem-Falam-Tonzang – Matupi, Kanpalet le Paletwa karlak, Motor lam pi hi tha tak in Cozah nih mipi khual tlawnnak ah ser chih ta hrim hrim kha a herh.

Kan chin State khuapi karlak ah motor lam hmanh tha tein, an ser hlan ah Airport -5 tuah than ding cu , a phung asi lo, biafak cun mihrut khua khannak in a chia deuh.

Chin State chung ah Mipi nih Ti le Mei, Inn le lam, fim thiamnak le ngandamnak , rian le chawhlehnak ah Chin ramkulh cozah nih mipi caah, a tuah hma sa kha a herh mi asi. Chin ramkulh cozah nih Airport -5 tuah an ni timhmi Budget ahhin, Chin ramkulh chung ah tuah hmasa ding asi mi tu kha an tuah deuh ding hrim a si.

Chin ramkulh chung khuapi karlak ah, Motor lam thatha le, Ti le mei, rian thatha neih khawh hnu ah, chin ramkulh ah minung million -5 te lawng kan si hmanh ah, Airport cu a herh ning in tuah te kha, ram le mipi thanchonnak ah a lam asi ii a biapi deuh mi zong asi.

Chin ramkulh chung ah Airport -5 an ser taktak ahcun, chin miphung cu , kan tlau hram le kan sifah ai thawk ti kha fiang tein hmuh khawh asi. Airport -5 an ser chap ding le motor lam an ser chap tik ahcun, ramchung state dang le ram dang mimung sin cun, chin State cu lo riat bantuk kan si peng rih lai.

Chin State chung ah airport -5 aum cun , khual a tlawn ding minung zong kan um lai lo, cozah le vanlawng company nih free peng in khual tlawn ter peng cu a si kho cawk te fawn lai lo.

Cu ruang ah Chin ramkulh chung mipi nih, kan ram le mipi nih kan herhmi kha , cozah nih an tuah hma sa kha a herhmi asi tiah kan aupi le kan tuah khawhnak ah lungkhat tein colcanh ti kan hau hna.

Crd:Moseslian