Advertisements

Western Melbourne Chinland Club ( WM CC ) hruaitu thar thimnak an tuah khawh cang!

Spread the love

Western Melbourne Chinland Club ( WM CC ) hruaitu thar thimnak cu Bawipa umpi nak le thimnak hruaitu kan pale hruainak thawngin tlam tling tein kan liam cang. WM CC hruaitu thar nih 2019 – 2021 tiang an kan hruai cang lai. Hruaitu thar hna cu ;

 Chairman : Pu Rung Ceu Khaimi
 Vice-chairman : Pu Ha Khaw
 Secretary : Pu Tial Awi Sang
 Asst-Secretary : Pu Sang Hlun
 Treasurer : Ma Si
 Asst-Treasurer : Elizabeth Biak Mawi
 Information : Salai Pawlung Thawng, Salai Sang Pum & Salai Bawi Za Cin
 Auditors : Salai Robert Ngun Sang & Pu Duh Hmung Hlawnceu
 EC members : Ngun Uk, Thla Nau, Ni Bor
 Advisors : Pu Sui Thawng, Pu Lian Hmung, Pu Thawng Kam, Pu Ro Uk hna hi an si.

Kan hruaitu thar hna hi Miphun le ram a daw tak takmi lawngte an si caah tutan thimnak cu lung a hmui kho tuk.
Thimnak ah a kan telpi khotu nan dih lak cungah lunglawmhnak chim cawk lo kan ngei. A bik in thimnak a kan telpi khotu kan pastor te Rev. Vabi @ Van Bik, Rev. Dr. Van Cin Thang le Rev. Ram Mang hna nan cungah kan i lawmhnak hi a sang bik. Cun Chinland Club Australia Regional Committee kan Secretary ka u Akalung@ Salai Lian Ding Hmung, thimnak hruaitu Pu Peter Sui Thawng, Salai Lian Hmung le Pu Thawng Kham hna nan cung zongah lawmhnak chim cawk lo kan ngei. Pathian thawng le nan mah thawngin thimank tlam tling tein kan lim khawh cang.

2017 – 2019 tiang Kum 3 chung WM Chinland Club rian ttuannak ah thazaang a ka petu ka chungkhar, ka rian ttuanti hawi le mipi hna nan dih lak cungah lunglawmhnak chim cawk lo ka ngei. Ka tling thlak lo buin thiam ve seh, cawng ve seh law theih hngalh ve seh ti duhsak nak he WM Chinland Club Chairman rian a rak ka thimtu mipi le kan pale nan dih lak cungah lunglawmhnak tampi ka ngei. Kan rian ttuannak ah chim palh mi le ttial palhmi a um ahcun Bawi Khrih min in ka ngaithian hram u law ti kan nawl hna.

Kum 3 chung kan rian ttuannak ah zohchuh awktlak tiang ka thimmi hna a um i, Cun hna cu Salai Sang Pum, Salai Bawi Za Cin , Rosemary Lahnin le Melbourne Chin Church ( MCC) hna hi an si.

# Salai Sang Pum cu WM Chinland Club kan treasurer a si i 2018 ah CNF/A ralkap pawl X’mas a tuah piaktu a si caah Chin mi nih zohchuh awktlak pasal ttha a si. Phaisa cazin tlaih zong a fel i a thiam tak takmi a si.

#Salai Bawi Za Cin cu 2017 Chinland Club Person of the year a kan hmuh piaktu a si i, Chinland Club ram 14 a ummi lak ah a mah nih a kan hmuh piak caah zohchuh awktlak pasal ttha hrimhrim a si.

#Rosemary Lahnin cu CNF/A caah thla a cam pengmi a si i rian a ttuan hnu ah a hmuh hmasa bikmi lahkhah/Salary bak kha CNF/A falenau zohkhenhnak ah phaisa a kuatu a si caah zohchuh awktlak nu saltha taktak a si.

💒Melbourne Chin Church ( MCC ) cu Australia ram ah Khrihfa bu a dirh hmasa bikmi a si i 2018 thok in CNF/A zohkhenhnak UCCF ah Khrihfa bu phaisa 1% deng a petu a si caah Australia um Chin mi Khrihfa bu nih zohchuh awktlak a si.

Kan miphun dothlennak caah ngeih le chia chawva le thazang a chuahtu nan dih lak cungah Bawipa tu nih a lettampi in thluachuah in pe hram ko hna seh.

Lunglawmhnak he,

Crd:Pawlung Salai Thawng TN

Advertisements
Admin
Admin

Media

No Comments

Leave a Reply

Product tags

Advertisements