Advertisements

KNU le NMSP Cu An Ni Kahnak A Ruang An Bawizik Nih An Phuan Khawh Colh!

Spread the love

NCA ah Kahdeihnak a tuahmi KNU(Karen National union ) le Mon State chung hriamtlai NMSP (New Mon State Party) cu April 28,2019 ah fak ngai in an ni kahmi kong ah May 2,019 ah kap-2 in an chim fianh veve.

CiaEinAeihKyi pengkulh chung khua -24 hna hi KNU le NMSP nih an ni cuhmi ram cu an si, kaphnih uknak in hi ramri khuate hi khua asa mi an si hna.

NMSP nih hin kan ram valei hi chuh an kan timh peng ruang ah ikahlo awk athat lonak cu asi tiah KNU Ralbawi Bokyi Saw Aye Phala nih cun May 2,2019 khan a chimmi cu asi.

NMSP ralbawi Naing Ahkha nih a chim ve mi ahcun kan ni kah hlan ahhin KNU sin ah Thingah Tang-400 pek ding ah lung tlingnak kan rak nei. Cu hnu ah Tanpura timi tiva kam ah KNU nih umthai ding in camp thar an rak tuah ii, kan ram chung an rak luh ruang ah kan kah mi hna an si tiah a chim ve mi cu asi.

KNU le NMSP hi ram icuh ruang ah 1988 kum lio zong ah ni -20 an rak ikap, ralkap -200 leng an rak thi hna. Kum -2016 tiang hincun ramri ihrawm in an rak um, kah deihnak zong an rak tuah ti lo.

Asinatein 2016 hnu ahhin ramri cu kan mah ta ti bak in kap -2 ralkap nih an timi ah bia hram cu an thawk than tik ah 2016-2019 karlak lawng ah voi -10 leng an ni kap cang hna tiah theih khawhmi cu an si.

Ref:SawmyatOta

Advertisements
Tags:
Admin
Admin

Media

%d bloggers like this: