Advertisements

Admin

Vietnam Le Indonesia Cu South China Sea Chung Ah An Ni Pahmi Ah Minung -12 Tleih An Si Hna!

Spread the love

Indonesia cozah ralkap ramri a venmi tinbaw le Vietnam ngatlai tinbaw cu April 29,2019 ah khan, Vietnam le Indonesia ram karlak Rili ah an ni ton hna, cu ahcun Vietnam ngatlai tinbaw nih Indonesia ralkap tinbaw cu daitlang ruang ah a kam lei in a pah, daithlang ruang ah tiin Vietnam ngatlai minung -12 cu rili chung ahcun Indonesia ralkap nih an tleih hna.


Indonesia tilei ralbawi Rear Admiral Margono nih a chimmi ahcun , Vietnam le Indonesia karlak rili ahcun kan ni ton hna cu, cu ahcun Vietnam ngatlai tinbaw nihhin an kan hnor mi cu kan pelh lo, asi bnatein vanthat ah kan tinbaw hi an rawk lo.

Hi thil kong ahhin Indonesia ralkap nihcun kan pelh lo, an mah dai thlang asi tiah a chim chih rih. Cu ruang ah Vietnam rammi ngatlai -12 cu an tleih hna nak aruang cu Vietnam cozah sin ah theihtetnak an pek hna .

Hi an ni pahnak rili cu South China Sea tiah min pekmi, Indonesia le Vietnam ram karlak rili ah asi . An ni pahnak hmun hi, Vietnam cozah nihcun kan ram chung asi ati, Indonesia nihcun kan ram chung asi ve tiah a ti ve. Indonesia ralkap nih Vietnam ngatlai 12 an tleihmi hna cu zei tik ah an ram ah an kuat hna lai cu a fiang rih lo .

Ref:RFA

Advertisements