Advertisements

Admin

Unau-2 Hna Cu Hmun Khat Te Ah Hri Awhnak In An Nunnak An Ni La!

Spread the love

Sagging -KhenOo myone, MeniHlu khuate ah April 28,2019 zing suimilam 9:30 hrawng ah an khua kam ah hri awhnak in an nunnak an ni la hna tiah KhenOo myone Palik zungpi nih theih ternak an tuah.

Khuami in an ruak cu an lak hna ii, KaniHlu khuabawi U Win Zaw nih unau hna hri awhnak in an nunnak an ni lakmi cu palik zungpi ah report nak a tuah ii, palik nih an ruak cu zohfelnak an rak tuah colh. Sizung ah an ruak hi an kal pi hna.

Hri in a awk mi hna cu : Mah Eh Wa kum 23 le Mah Ye Win kum 27 an si. Hringtu an pa U Nweh Win nih a chimmi ahcun, ka fale-2 hi an ni daw tuk, isik caknak zong hi an rak nei bel lo. April 26,2019 ah zei ruang asi zong ka fiang lo, an unau in bia an ni el an rak isi.

Cu ahcun a naunu Eh Wa cu inn in a chuak. Inn ah a rak ting ti lo caah a unu Ye Win nihcun a va kawl. An pa-2 in Inn ah an rak chuah ti lo caah April 28,2819 ah khuami he kan kawl hna ii, khua pawn lamkam thingkung ah hri awh in an nunnak an rak liam tiah a chim.

Palik nih hi thil kong ah an fianh khawh rihmi cu a naunu hi, hri in ai awh hma sa i, a unu nih a ruak a hmuh tik ah lungfah in ai awh ve nak a si kho tiah an chim fianh . Thihnak kong ah hlethlainak tuah rih ding in Palik nih ahmuh an ong piak hna tiah theih khawhmi cu an si.

Credit :Chit Sann

Advertisements