Advertisements

Admin

TNLA Le KIA Chung In An Meithal He Kawl Cozah Sin Ah Phunglam Tein An Ni Ap Hna!

Spread the love

Myanmar cozah nih Kawl ralkap le tlangcung mi hriamtlai karlak ah kahdeihnak an tuahmi cu nun him tein kutka cu an ong pengnak thawng in, KIA le TNLA hriamtlai chung in Kawl cozah ralkap sin ah an ni ap hna tiah theih an si.

Kawl ralkap sin ah April 27,2019 zing ahcun KIA hriamtlai phu in a ap mi hna cu minung -4 le TNLA hriamtlai phu in minung -7 an si hna ii, mipi sin ah media nih theihternak an tuah khawh colh ve.

April 27,2019 zaan suimilam 10 hrawng ah KIA hriamtlai chung in Sibawi Bokyi le an kut tang minung -2 nih an meithal le kut puahmi pomb -3 he , Muse ralkap Sakhan ah an rak i ap tiah theih asi.

KIA lei in sibawi Bokyi pahnih hna nih an chimmi ahcun, meithal itleihnak in kan duhmi ngah khawhnak ahhin a lam a umlo ti kan ni fiang caah KIA kan rian tuanti theih loin a thli thup in kan rak zam ii, Kawl cozah sin him tein nun duh ah kan rak i ap nak cu a si tiah an fianh hna.

Myanmar ramchung cozah phunglam tein kawl ralkap zong nih KIA le TNLA ralkap ai ap mi pawl cu an tuahmi thil ah an cohlan hna. Hmailei an nun himnak le an herhmi ah pehtlai in kilkawm le zohkhenhnak zong tuah piak an si hna lai tiah theih khawhmi cu an si hna.

Ref:Myanmardefenseministry

Advertisements