Advertisements

China Cozah Nih Canada Rammi Pakhat Thihdan An Pek!

Spread the love

China biaceihzungpi nih April 30,2019 ah Canada rammi cu ritsi kong ah (drug case) thihdan an pek. China nih Canada rammi thihdan a pekmi cu Wu Ziping asi. Janauay 2019 zong ah China nih Canada rammi Robert Lloyd Schellenberg cu ritsi kong ah thihdan an rak pek cang.

April 30,2019 ah China ramchung biaceihzungpi “Jiangmen Intermediate People’s Court” nih minung -11 thihdan pek ding in rikhihnak a pek hna.Thihdan pekmi minung -11 chung ah American -1, Mexican -4 , Canadian -1 le Chinese 5 an si hna.

Canada rammi pakhat le China rammi-5 hna cu an kong ceih than umti loin thihdan pek an si. Mexican -4 le American -1 hi cu ni -10 chung ah Aamahkhan piaktu an neih ahcun thih tiang thong thlak an si lai, an um lo ahcun ni-10 hnu ah thihdan pek in thah an si ve hna lai.

China thonginn ah Canada rammi businessmen minung – 2 : Michael Kovrig le Michael Spavor cu chiah an si rih hna. China nih sungthoh(suspicion of espionage) an si hna tiah an tleih hna ii an rian tuanmi business kong zong ah thong thlak an si rih hna.

China nihhin Canada ram cung ah a lungfahnak nganpi a um ve mi cu, Huawei company ah chief financial officer Meng Wanzhou hi , Iran ramchung ah a company thilri cu pehtleihnak a tuahmi ahhin Canada le US nih Iran cu Sanction( onh lonak ) a rak pek mi khi a rak si, cu ahcun Canada cozah nih Meng Wanzhou hi December 1,2018 lio ah biaceih zung rikhiahnak in thong an tlak. China cozah nih Canada cozah sin Meng Wanzhou hi thonginn rak chuah uh tiah a nawl hna natein an rak duh ve lo a tu tiang thonginn ah a chiah.

Foreign Ministry spokesman Lu Kang nih China ram nih Meng Wanzhou thong thlak a tonmi kong ahhin, China rammi nih lung fak ngai asi tiah March 2019 ahkhan a rak chim bel.

Canadian Prime Minister Justin Trudeau nihin Korvig le Spavor cu thonginn hin rak chuah hna uhlaw ka ram ah rak kua hna uh tiin China cozah sin ah a rak chimh hna, natein China cozah nih a bia chimmi cu pehzulhnak an tuah piak duh ve lo.

Ref:CNN

Advertisements
Tags:
Admin
Admin

Media

No Comments

Leave a Reply

Product tags

Advertisements