Advertisements

Admin

Turkey Cozah A Ralkap Bawizik Tamtuk Thong A Thlak Hna!

Spread the love

Turkey cozah nih a ralkap minung 115 cu ramkhel kong ah a cawl cang taktak mi Naingaizitama -Fethullah Gulen a rian tuannak ah pehtleihnak an nei tiah an puh hna caah, an tleih hna nak a ruang cu a si.

Fethullah Gulen hi Turkey ram chung scholar, preacher, political figure a si ii, ramkhel uknak le ramchung mipi thanchonak ah, a biachim mi le a ca tialmi hi mipi nih an lung an tling pi taktak mi asi. Ahlei in US cozah zong nih ramkhel uknak ah Gulen hi a hnu in a kamh an cohlanmi le an bawmhmi a si.

Fethullah Gulen nih ramkhel kong ah a catial mi le a biachimmi ahhin, mipi nih cozah dohnak in mipi nih a liamcia kum 2016-2019 tiang hin , Gulen nih ai timhmi ramkhel uknak hi a cohlan i an lung an tling cio hna caah an bawmh, cozah dohnak in lamzawhnak zong hmun kip ah an rak tuah peng.

Cozah nih Fethullah Gulen ruahnak a nunpimi lamzawhnak a tuahtu pawl zong 2016-2019 tiang ah thongtampi thawng athlak cuahmah hna. Asi natein ramchung mipi nih ramkhel uknak kong ah Fethullah Gulen nih a fianhmi cu an duh caah buaibainak hi pehtlai in ramchung ah a peng.

Turkey cozah nih a tleihmi ralkap chung hin, a tam deuh bawizik lawng te an si hna. Ralkap bawi colonels -5, Lieutenant Colonels -7, Majors -14, Captains-33 hi an ni tel hna. Cun cozah nih a dang ralkap 210 hi Gulen a bawmtu le a tanhtu an si tiah lung hrinhmi an um rih tiah an chim chih rih. Tleihmi ralbawi pawl hi Vanlei ralkap, Tilei ralkap, tanglei ralkap, le ram vemmi ralkap bawizik lawng te an si hna.

Ref:AFP

Advertisements