Advertisements

Admin

Thailand Ah A Fanu Kum -5Fai Te Cu Hramhram In Baht 300 In Sualpi Ding Ah A Zuartu Hringtu Nu Cu Palik Nih An Tleih Khawh!

Spread the love

Thailand -Tambon Nong Yao , Phanom Sarakham District ah a chuahpi a fanu kum -5 fai te cu, Thailand Baht 300 in Kum -52 pa sin ah sualpi ding in, Hringtu a nu kum -28 nih a zuar caah Palik nih an tleih khawh manh hna.

April 21,2019 ah khuakam lei lamkam motor an chiatnak innthing lak ah , ngakchia nute cu sualpi ding in a nu nih a zuarmi ah, a thli tein a hmu mi nih palik an rak chawnh hna i, Palik nih kum-52 pa le hringtu a nu kum -28 cu an tleih hna.

Palik zungpi ah biahalnak cu an tuah hna, hringtu a nu nih a lehmi cu : Winai kum -52 hi ka fanu a pa taktak a rak si natein a chuah lio ah sizung ah midang min in a pa min a rak tial ter hna. A nupi ding ah a ka duh lo, ka fanu zong asi lo , lakfa dang asi tiah a ka ti ii, kan nu fa in a kan hlawt tiah a chim.

Tutan ah Baht 200-300 karlak kan pek hna lai tiah a ka ti ii, ka fanu hi sualpi ding in a ka hal tiah a chim. Natein Palik nih thawng an thlak veve hna. Ngakchia nute cu palik nih sizungpi ah an kalpi. Cozah nih ngakchia nute hi an zoh khenh thai lai tiah theih khawhmi cu an si hna.

Ref: Thailandportal

Advertisements