Advertisements

Admin

Paletwah Myoh Nih An Mah “Khumi” Tein Uknak Nawl An Hal Hna!

Spread the love

Chin State – Paletwah Myone nih kan miphung atlau lonak ding ah kan mah Khumi/ khami Amyota party nih kan natein mah uknak nawl kan herh tiah cozah sin ah an hal hna tiah theih asi.

Mah tein uknak nawl halmi ahhin kanmah tein nawl neihnak ah kan um duh cu kan ram le kan miphun kan kilven a herh ruang ah a si. Miphung pi nih a herhmi le a covo cu rampi nih a tuahpiak ding xua tuanvo a si.

Kum -2018 ah Myanmar ramchung phung hrampi remh lio zong ah khumi(khami) Amyota party- hotu U Kyaw Tun zong nih hi kong ahhin a rak chim bel cang. Khumi miphung nih kan mahtein Wangi neih le mah tein uknak nawl neih khawh ding lawng hi kan duhmi cu a si.

Paletwah Myone cu chin ramkukh chung ahhin ahlan tein a rak um bel lo , kan mah tein kan ram a rak uk mi kan si. 1948 kum hnu lawng ah Chin ramkulh chung ah rak chiahmi a si.

Ramkhel uknak kong in kan mah tein nawl neihnak in uknak hmuh cu a herh mi a si. A tu ah kan ram nih hmunhma zei hmanh kan nei lo, Myone lawng hi kan ngah khawh.

Chin State chung ah kan ni fonh lai tiah chimmi nih an rak ti caah, kan rak ifonh ve mi cu a si. Paletwah hi myone a sinak kum 70 a tling cang ii, Kayiang hmanh kan hmu rih lo. A ngai ngai cun Kayiang hi kan ngah ding a si tiah U Kyaw Tun nih a chim.

Chin State -Paletwah Myone ah Khumi miphung-60,000 hrawng kan um hna i Rakhine le adang miphung zong an um ve nak asi.A tu lio buainak ah Myanmar le India ifonh in Kaladan tiva pi kam ah Kawl cozah le Tlangcung Rakhine hriamtlai AA ikah dohnak zong ah atu le a tu a cangnak hmun a si tik ah, mipi nih kan ram le miphung hi kan dawt le kan ven ve a herh tiah an bia hrampi cu an si.

Crd:PanhlahAung

Advertisements