Advertisements

Admin

Sri Lankan Ram Ester Sunday Ah Bomb A Puahmi Ah Ralhrang Thahnawnnak An Si Tiah Zumhmi -24 Leng An Tleih Khawh Cang Hna.

Spread the love

Khrihfami nih isunhsak tukmi ni April 22,2019 Tawh Thanni (Easter Sunday ) ah Sri Lankan ram, khuachung biakinn le hotels ah bomb puahnak an tuahmi ah April 23,2019 ah fianh thanmi cu minung 290 hrawng an si. Minung 500 leng nih hliam tuarnak an ton hna.

Sri Lankan khualipi Colombo chung , Negombo le Batticaloa ah biakinn le hotel ah thahnawnnak an tuahmi ahhin 290 hrawng a thimi chung ah minung 32 cu ramdang minung Britain, the United States, Turkey, India, China, Denmark, the Netherlands le Portugal hi an si hna.

Cun Sri Lankan Palik -3 zong athimi chung ah an ni tel ve hna. Thahnawnnak bomb a puahmi he pehtleihnak an nei hna lai tiah zumhmi minung 24 leng zong April 23 ah an tleih khawh hna. Hlethlainak in ramchung himvennak ah bia tak tein rian tuan an ni tim.

Sri Lankan President Maithripala Sirisena zong April 23,2919 ah Singapore le India ah a tlawn colh ii, ramchung himvennak kong ah bawmhnak hal in emergency meeting zong a tuahpi khawh colh hna tiah theih asi.

Ramchung president office lei nih an chim fianhmi ahcun ram kip ah kan ram chung himvenak ah a herhmi thilri le a herhmi cawlcanhnak ah bawmhnak zong tuah asi lai tiah zumhnak in an fianhmi cu an si.

Ref:AFP

Advertisements