Advertisements

Admin

Jesuh Khrih Bantuk In, Vailamtah ThirkhenhNak Taktak Drama Voi 33 Atuahmi, Ruben Enaje Biachimmi le Vailam An Tah Taknak Video!

Spread the love

Philippines ram Catholic nih, Jesuh Khrih vailam cung ah , misual kan caah a rak thih ning le a tuar ning Good Friday ni cu , drama in ” vailam tahnak taktak in 1962 hin an rak thawk. Hi an drama ahhin Jesuh Khrih a cangmi lawng an kut ah thir khenh tak in minutes 5 chung hi chiah an si.


Drama sawhsawh tiah ruah ding a si natein, Philipp vailam tahnak an tuah hna ahhin, an kut ah “thir zung-4 ” bak in an khenh taktak hna. Zei tluk in dik a va fah lai. Asinatein pumpek in Pathian lian ngannak ah an rak tuah.

Ruben Enaje- kum 58 hi Philippines ram Good Friday ni ah drama in vailam tahnak taktak cu pumpek in 1985 -2019 tiang hi asi cang. Ruben Enaje cu a tlangval lio tein a tu tiang ah , pumpek bak in vailam tah taknak voi -33 a ing tuar cang tinak asi. Nupi le fa nei zong asi ii a pawcawmnak ah, Lektama (carpenter) a tuanmi asi.

Ruben Enaje cu biahalnak an tuahmi ah, ka tar cang ii khumvuai lei cun , Vailamtahnak Drama hin ka pumpe kho ti lai lo, ka thazaan nih a phan ti lo tiah bia aleh hna. Ruben Enaje nih pumpek in Jesuh Khrih bantuk in vailam tahnak ka tuahkhawh mi hi, minung sinak cun a fak tuk ko natein, Pathian nih ka nunnak ah rian a rak tuanmi ah intuar khawhnak a ka pekmi asi. Pathian nih zumtu hna kan thinglung le nun ram zumhnak ah thazaan ilaknak ah si chin ko seh tiah a chim.

Credit: Iya Forbes/AP

Advertisements