Advertisements

Admin

France ramchung – Paris khuapi ah a ummi Inn sangpi Notre Dame Cathedral cu rawk cikcek in April 15,2019 suimulam 6:00pm ah a kang.

Spread the love

France ram-Paris khuapi chung ah a ummi Inn sangpi -Notre Dame Cathedral timi Innsangpi an rak sak ning tuanbia a tawinak in tlamtling tein kan tial. ei ruang ah a kangh cu fiang tein theih asi rih lo. Notre Dame Cathedral timi innsangpi hi AD 1260 ahkhan an rakmi asi.


Hi innsangpi a ngan ning cu : asau hi 128metres (420ft) le avang hi 48 metres (157ft) a si. Asang hi 69 metres (226 ft) asi.

Bishop Maurice de Sully nih AD1260 khan an rak sak pi mi a rak si. AD1790 French Revolution lio ah Notre Dame timi innsangpi hi arak rawk. France ram ah Emperor Napoleon nih 1804 ah hi inn sangpi cu a remh pi hna.

1821 kum in president uknak in France ram asi French Republic hnu in French architect-Eugène Viollet-le-Duc nih mah innsangpi hi a rempi than mi hna le April 15,2019 tiang an rinhmi asi. France rampi nih hi innsangpi kum -850 a tlingnak cu 2013 lio ahkhan anniversary an rak tuah.

April15, 2019 ah Notre Dame Cathedral timi innsangpi a kang mi cu, President Emmanuel Macron nih kan sak than lai tiah thawng thanhnak a tuah colh. Hi sakthannak ah Mirum tak asimi French billionaire François-Henri Pinault nih Inn sangpi sak thannak ah €100million kaa thawh lai tiah mipi sin ah biakamnak thawng a zamh colh ve.

French Mayor Anne Hidalgo nih a chimmi ahcun :Notre Dame Cathedral sakthannak ahhin £ 120 million hrawng lawng a dih lai tiah theihternak a tuah khawh colh ve.

Sources:DWNews
Notre-Dame de Paris – Wikipedia
https://en.m.wikipedia.org › wiki › Notre..

Advertisements