Advertisements

Admin

US Nih Venezuela Cozah Thar $10Billions Bawmh Ding Ah Biakhiahnak An Tuah!

Spread the love

Venezuela President Nicolas Maduro hruainak in ramchung ah, mipi tampi nih harnak le buainak an tonmi ah , US Treasury Secretary Steven Mnuchin micung ah dawtnak lungput in US nih 10 billions hi bawmh ding in April 14,2019 ah thawng thanhnak a tuah.

Mnuchin nih conference ah a chimmi ahcun President Juan Guaido he ai ralkah mi Acting President- Juan Guaidó hi Venezuela ram cozah -54 nih an co hlan ko caah a mah nih Venezuela ram a rawkmi hi a siam pi khawh ko hna lai. Cu ahcun ramchung cozah nih chawlehnak le ram chung mipi thanchonnak ah rian tampi a tuan pi khawh hna lai tiah a chim.

US Treasury Secretary Steven Mnuchin nih April 14,2019 ah a chin rihmi cu :Venezuela ram hi a liamcia kum -5 in a tu tiang an president NicolasMaduro nih a ralkap hmang in mipi thahnawnnak le ei awk tiang neilo in a chia hna. Venezuela rammi cu ei awk le rian umlo ruang ah Peru le Colombia ram ah refugees dirhmun in 3.7 millions an um cang hna. Kum 2019 donh hin cun millions -5 hi ralzam an si kho hna. April 9-10 zong ah ramkip ministers -20 he Venezuela ram kong Washington ah biaruah zong an rak cia kho hna.

Cu asi ruang ah Acting President- Juan Guaidó nih mipi le ram thanchonak ah rian hma tampi a tuah khawh lo lai. Cun Venezuela ram mipi hi ahlan lio an nun ram nuam bantuk in an si khawh thannak ding ah Russia , China, Iran le Turkey zong nih zawnruahnak le zangfahnak in an bawmh ve te ko lai tiah a chimmi cu an si.

Venezuela ram cu June, 2010 in president Nicolas Maduro nih ramchung hruainak le chawlehnak a rak thiam lo ruang mipi nih harnak (cricises) pawl an rak ton cu ai thawk. Kum 2013 hnu cun mipi an harsa tuk cang hna, cu ruang ah lam zawhnak an tuah, Nicolas nih ralkap hmang in mipi cu a tleih hna a thah hna. President thimnak zong a tuah duh thai lomi asi natein,Febuary4, 2019 cun acting president nih ramchung mipi rian le thanchonak ah aduh ning poah in rian a tuan lai tiah a lung tling ve cang.

Ref:worldnewstoday

Advertisements